باجوڑ میں سکیورٹی فورسز اور دہشت گردوں میں فائرنگ کا تبادلہ، 3 ملک دشمن واصل جہنم

باجوڑ (پی پی آئی) باجوڑ میں سکیورٹی فورسز اور دہشت گردوں میں فائرنگ کے تبادلے میں 3 ملک دشمن واصل جہنم ہو گئے۔پی پی آئی کے مطابق سکیورٹی فورسز نے خفیہ اطلاعات پر باجوڑ کے علاقے قلعہ عنایت میں گذشتہ روز آپریشن کیا۔ دہشت گردوں نے سکیورٹی فورسز کو دیکھتے ہی فائر کھول دیا، جوابی فائرنگ میں 3 ملک دشمن مارے گئے جن میں انتہائی مطلوب کمانڈر شفیع بھی شامل ہے۔ہلاک دہشت گردوں سے بھاری تعداد میں اسلحہ اور گولہ بارود بھی برآمد ہوا جس کو قبضے میں لے لیا گیا۔