دبئی (پی پی آئی) پاکستان مسلم لیگ (ن) کے قائدین نے مستقبل کی سیاسی حکمت عملی تیار کرلی ہے۔نے عام انتخابات کے لیے منشور کمیٹی بنانے کی ہدایت کردی جبکہ پارٹی بیانئے اور انتخابی منشور کی تیاری کا ٹاسک مریم نواز کو مل گیا۔پی پی آئی کے مطابق نوازشریف نے رہنماؤں کو ہدایت کی کہ الیکشن کیلئے پارٹی بیانیہ نوجوانوں کو مدنظر رکھ کر بنایا جائے، منشور میں آسان قرضے، روزگار کے مواقع کا لائحہ عمل شامل کیا جائے گا، ملک کو نقصان پہنچانے والی جماعت کی پالیسیوں پر تنقید بھی منشور کا حصہ ہوگا۔دوسری جانب مسلم لیگ (ن) نے پیپلزپارٹی سے انتخابی اتحاد کی خبروں کی تردید بھی کردی ہے۔ ن لیگ نے انتخابی اتحاد کے حوالے سے ابھی تک کسی جماعت سے مشاورت نہیں کی۔ذرائع کا کہنا ہے کہ حکومتی اتحاد میں شامل جماعتیں انتخابی اتحاد بھی کرے گی یا نہیں، یہ فیصلہ تو ابھی نہیں ہوا تاہم ن لیگ پنجاب سمیت تمام صوبوں میں انتخابی میدان میں اپنے امیدوار اتارے گی۔