وومن ٹی ٹوئنٹی: انگلینڈ کاپاکستان کو وارم اپ میچ میں2وکٹوںسے شکست

سوار: ویمن ورلڈ ٹی ٹوئنٹی کے وارم اپ میچ میں انگلینڈ کی ویمن کرکٹ ٹیم نے پاکستان ویمن ٹیم کودلچسپ مقابلے کے بعد دووکٹ سے ہرادیا۔ سوار میں کھیلے گئے میچ میں قومی ویمن ٹیم نے ٹاس جیت کربیٹنگ کا فیصلہ کیا اورمقررہ اوورزمیں چھ وکٹ پر106رنزبنائے۔ کپتان ثناءمیراورندا ڈارچھتیس چھتیس رنزبناکرنمایاں رہیں۔ ڈینئیلی ہیزل نے دوکھلاڑیوں کوآﺅٹ کیا۔ ہدف کے تعاقب میں انگلینڈ کا آغازبھی اچھا نہ رہا اوراس کی ابتدائی وکٹیں جلد گرگئیں۔ انگلینڈ کو12 گیندوں پر15 رنزدرکارتھے لیکن اس نے مطلوبہ ہدف ایک گیند قبل ہی آٹھ وکٹوں کے نقصان پرحاصل کرلیا۔ لائیڈا گرین وے چونتیس رنزکیساتھ نمایاں رہیں۔ اسماویہ اقبال اورسمیہ صدیقی نے تین تین وکٹیں حاصل کیں۔ قومی ویمن ٹیم اپنا دوسرا وارم اپ میچ جمعرات کوبنگلہ دیش کیخلاف کھیلے گی۔