پاکستان سمیت12 ممالک کیلئے پاسپورٹ پرسعودی ویزا سٹیکر ختم

ریاض(پی پی آئی)سعودی عرب نے پاکستان سمیت12مزید ممالک کے شہریوں کے لئے پاسپورٹ پرویزا سٹیکر ختم کرنے کے فیصلے پر عملدرآمد کا آغاز کر دیا  ہے۔اس کے بعدان بارہ ممالک کو اب اقامہ ہو یا وزٹ ویزا یا پھر ملازمت تمام ویزے آن لائن جاری کئے جائیں گے۔پی پی آئی کے مطابق دوسرے مرحلے کے ممالک میں پاکستان بھی شامل ہے، پاکستانی شہریوں کو بھی تمام ویزے آن لائن جاری کئے جائیں گے۔اس حوالے سے سعودی عرب کے محکمہ شہری ہوا بازی نے سعودی ایئر پورٹس کے لیے پروازیں چلانے والی تمام فضائی کمپنیوں کوتحریری طور پر آگاہ کر دیاہے۔اب پاسپورٹ پر ویزا سٹیکر کی بجائے کاغذ پر ویزا پرنٹ ہو گا جس میں کیو آر کوڈ کے ذریعے مسافر کے ویزے سے متعلق تمام معلومات ہوں گی۔