کراچی (پی پی آئی)ایل پی جی کی بڑھتی قیمتوں کیخلاف ایل پی جی انڈسٹری ایسوی ایشن کی 4گھنٹوں کی علامتی ہڑتال کااثرکراچی میں نہ ہوسکا۔ دکاندارایل پی جی انڈسٹری ڈسٹری بیوشن کی ہڑتال سے لاعلم نکلے،ایل پی جی کی دکانیں معمول کے مطابق کھل گئیں اورگیس کی فروخت معمول کے مطابق جاری رہی۔ پی پی آئی کے مطابق دکانداروں کا کہنا ہے کہ ایک دن دکان بندرکھتے ہیں تو5سے10ہزارکانقصان ہوتاہے،ہمیں مہنگی گیس ملتی ہے،فی کلوایل پی جی 240روپے کی فروخت کررہے ہیں۔ خیال رہے کہ ایل پی جی انڈسٹریز ایسوسی ایشن نے ایل پی جی کی بڑھتی قیمتوں کیخلاف پیر کوملک بھر میں تمام ایل پی جی کی دکانیں صبح 8 سے دن 12 بجے تک بند ر کھنے کی اپیل کی تھی ایل پی جی انڈسٹریز ایسوی ایشن کے چیئرمین عرفان کھوکھر کا کہنا ہے کہ5 اور 6 اگست کو ملک بھر میں شٹر ڈاؤن ہوگا۔
Next Post
شہرقائد میں چینی کے نرخوں میں مسلسل اضافہ، من مانی قیمتوں پر فروخت
Mon Jul 31 , 2023
کراچی (پی پی آئی)صوبائی دارالحکومت کراچی میں چینی من مانی قیمتوں پر فروخت کی جا رہی ہے، سرکاری ریٹس کو مارکیٹوں میں نظرانداز کرتے ہوئے مہنگی چینی فروخت کی جا رہی ہے۔گزشتہ کچھ دنوں سے ملک بھر میں چینی کی قیمتوں میں مسلسل اضافہ دیکھا جا رہا ہے، اسی طرح […]