شہرقائد میں چینی کے نرخوں میں مسلسل اضافہ، من مانی قیمتوں پر فروخت

کراچی (پی پی آئی)صوبائی دارالحکومت کراچی میں چینی من مانی قیمتوں پر فروخت کی جا رہی ہے، سرکاری ریٹس کو مارکیٹوں میں نظرانداز کرتے ہوئے مہنگی چینی فروخت کی جا رہی ہے۔گزشتہ کچھ دنوں سے ملک بھر میں چینی کی قیمتوں میں مسلسل اضافہ دیکھا جا رہا ہے، اسی طرح کراچی میں بھی چینی 150 سے 157روپے فی کلو فروخت ہو رہی ہے۔چینی کا شوگر ملز ایکس ریٹ 137 روپے کلو  ہے جبکہ ہول سیل مارکیٹ میں چینی کی قیمت 142 روپے فی کلو پہنچ چکی ہے، پی پی آئی کے مطابق  وفاقی حکومت نے چینی کے ریٹ 98 روپے 82 پیسے مقررکئے ہیں۔