سہراب گوٹھ میں کومبنگ آپریشن، غیر قانونی مقیم 8 افغان باشندے گرفتار

کراچی (پی پی آئی)شہر قائد کے  علاقے سہراب گوٹھ سے پولیس نے غیر قانونی مقیم 8 افغان باشندے کو گرفتار کرلیا۔تفصیلات کے مطابق کراچی کے علاقے سہراب گوٹھ کے اطراف علاقے مچھر کالونی، الآصف اسکوائر میں پولیس نے آپریشن کیا جہاں سے 8 غیر قانونی مقیم  افغان باشندوں کو گرفتار کرلیا گیا۔پی پی آئی کے مطابق ایس پی سہراب گوٹھ چوہدری سہیل نے بتایا کہ آپریشن مچھر کالونی، الآصف اسکوائر اور اطراف علاقوں میں کیا گیا، آپریشن کے دوران گھر گھر تلاشی لی گئی۔ایس پی چوہدری سہیل نے بتایا کہ مشکوک افراد کے کوائف چیک کئے گئے، مشتبہ افراد کی تصدیق تلاش ایپ سے کی گئی، آپریشن کے دوران خواتین سرچرز نے بھی حصہ لیا۔ایس پی چوہدری سہیل نے مزید بتایا کہ آپریشن کے بعد گرفتار افراد کے خلاف مقدمہ درج کردیا گیا اور گرفتار افراد سے مزید پوچھ گچھ جاری ہے۔