مری میں موسلادھار بارش سے موسم دلفریب, ماحول مزید پرکیف

 مری/اسلام آباد/ راولپنڈی(پی پی آئی)مری میں موسلادھار بارش سے موسم دلفریب ہو گیا،سیاحوں کی کثرت دیکھنے میں آئی۔پی پی آئی کے مطابق مری میں گرج چمک کے ساتھ بارش ہوئی جس سے پہاڑوں اور وادیوں میں درختوں سمیت ہر شے دھل گئی اور ماحول مزید پرکیف ہو گیا۔جڑواں شہروں اسلام آباد اور راولپنڈی میں بھی موسلا دھار بارش ہوئی،پی پی آئی کے مطابق راولپنڈی میں نشیبی علاقوں میں پانی جمع ہو گیا جس سے شہریوں کو آنے جانے میں مشکلات کا سامنا کرنا پڑا۔