بھارت سے زرعی تجارت بند کی جائے ،میر پور خاص کے کسانوں کا مطالبہ

میرپورخاص: پاکستان کسان اتحاد کی جانب سے سبزی منڈی چوک پر کسانوں کا ایک جلسہ عام منعقد کیا گیا،جس کا مقصد پاک بھارت زرعی تجارت بند کرنا تھا۔جلسے سے خطاب کرتے ہوئے گھرام بلوچ ،محمد ارشاد ،عبدالقادر ،محمد حنیف اور دیگر نے کہا کہ بھارت سے زرعی تجارت کے باعث پاکستان کے کسانوں کو نقصان ہو رہا ہے ،کیونکہ پاکستان کی زراعت ایک مہنگی تجارت ہے اور زراعت ہماری ریڑھ کی ہڈی ہے ،انھوں نے کہا کہ ہم زراعت سے اپنا70 فیصد معاش سے حاصل کرتے ہیں ،انھوں نے مطالبہ کیا کہ بھارت سے زرعی تجارت بند کی جائے کیونکہ پاکستان کے مفادات کے خلاف ہے ،31 مارچ کو لاہور میں واہگہ باڈر پر احتجاج کیا جائے گا ۔