پاکستان اوپن ٹین پن باؤلنگ چیمپئن شپ 24 اکتوبر سے کراچی میں شروع ہو گی

کراچی (پی پی آئی)پاکستان ٹین پن باؤلنگ فیڈریشن کے زیراہتمام اور سندھ ٹین پن باولنگ ایسوسی ایشن کے تعاون سے پاکستان اوپن ٹین پن باؤلنگ چیمپئن شپ 24 اکتوبر سے کراچی میں شروع ہو گی۔پی پی آئی کے مطابق  پاکستان ٹین پن باؤلنگ فیڈریشن کے صدر اعجاز الرحمن اور سندھ ٹین پن باولنگ کے صدر علیم آغا نے بتایاکہ ایونٹ کی تیاریاں زور و شور سے جاری ہیں اور چیمپئن شپ میں ملک بھر سے مرد اور خواتین کھلاڑی حصہ لیں گی۔ آٹھ کیٹگریز کے مقابلے رکھے گئے ہیں جن میں اوپن سنگلز، ایمچور، لیڈیز، انڈر 22، سینئر، میڈیا، ڈبلز اور مکس ٹیم شامل ہیں۔ چیمپئن شپ میں شرکت کی خواہش رکھنے والے کھلاڑی اپنے ناموں کی رجسٹریشن 10 اکتوبر سے 20 اکتوبر تک کروا سکتے ہیں۔