تحریک انصاف کی خواتین رہنما وں اور کارکنان کو ڈرایا دھمکایا جاتا ہے: علیمہ خان

لاہور(پی پی آئی) چیئرمین تحریک انصاف کی ہمشیرہ علیمہ خان نے کہا ہے کہ پی ٹی آئی کی خواتین شامل تفتیش ہونے جاتی ہیں تو انہیں دھمکیاں دی جاتی ہیں۔پی پی آئی کے مطابق علیمہ خان کا کہنا ہے کہ تحریک انصاف کی خواتین رہنما اور کارکنان کو ڈرایا دھمکایا جاتا ہے، عمران خان کہتے ہیں آزادی کیلئے تکلیفیں تو سہنی پڑتی ہیں۔ افسوس ہے ظلم اور جبر ہمارے اپنے لوگ کر رہے ہیں، دشمن کرتا تو دکھ نہ ہوتا۔ اس سے قبل علیمہ خان نے کہا کہ، ہم اپنے بھائی کا ساتھ نہیں چھوڑیں گے، ان کیلئے کھڑے رہیں گے۔ ہونا تو یہ چاہئے کہ ہم بھی جیل میں جا کر عمران خان کے ساتھ ہی بیٹھ جائیں، باہر تو ہمارا کام ختم ہو گیا۔