سعودی عرب عیسوی کیلنڈر نافذ،شرعی احکام سے متعلق امور مستثنیٰ

ریاض(پی پی آئی)سعودی کابینہ کے اجلاس میں فیصلہ کیا گیا ہے کہ ’تمام سرکاری معاملات عیسوی کیلنڈر کے مطابق ہوں گے‘۔سعودی خبررساں ادارے کے مطابق کابینہ کا اجلاس ولی عہد شہزادہ محمد بن سلمان کی زیر صدارت منعقد ہوا۔ پی پی آئی کے مطابق اجلاس میں کہا گیا کہ ’اس سے اسلامی شریعت کے احکام سے تعلق رکھنے والے ایسے امور مستثنی ہوں گے جن کا دارومدار ہجری تاریخ پر ہوتا ہے‘۔’اس سے وہ معاملات بھی مستثنی ہوں گے جن کے بارے میں یہ طے ہوچکا ہے کہ وہہجری تاریخ کی بنیاد پر انجام دیے جائیں گے‘۔