کوئٹہ( پی پی آئی) جمعیت علمائے اسلام کے سینئر رہنما حافظ حسین احمد نے کہا ہے کہ انتخابی میچ میں ”مین آف دی میچ“وہی ہوگا جسے امپائر کی خوشنودی حاصل ہوگی کس کو وزیر اعظم بننا ہے یہ فیصلہ عوام کے ہاتھ میں ہے لیکن اب اسے کسی اور کا صواب دید قرار دیا جارہا ہے 2018 میں امپائر کو ساتھ ملا کر میچ فکس کیا گیا اب دیگر پارٹیاں بھی اس مہربانی کی منتظر نظر آتی ہیں۔ پی پی آئی کے مطابق انہوں نے کہا کہ زرداری صاحب کا یہ کہنا کہ اب اس نے نواز شریف کو وزیر اعظم بننے نہیں دینا ناقابل فہم ہے کیا وہ بلاول کو تحریک انصاف کے ساتھ ملکر وزیر اعظم بنا نے کا سوچ رہے ہیں لگتا ہے کہ اب ایک حافظ ہی زرداری سمیت سب پر بھاری ہوسکتا ہے۔