قصور پولیس کی کارروائی،موٹر سائیکل چورگینگ کے 3 ارکان گرفتار

قصور)پی پی آئی) قصور پولیس نے کارروائی کرکے موٹر سائیکل چورگینگ کے 3 ارکان کوگرفتارکرلیا ہے۔پولیس ترجمان قصورنے”اے پی پی“کوبتایاکہ تھانہ بی ڈویژن پولیس نے ایس ایچ او وحید عارف کی سربراہی میں کارروائی کرتے ہوئے شہر میں موٹر سائیکل چوری کی وارداتوں میں ملوث عرفان عرف پھانی گینگ کے 3 ارکان کوگرفتارکرلیا ہے، ملزمان کے قبضہ سے نقدی ڈیڑھ لاکھ روپے اور چوری شدہ 6 موٹر سائیکل برآمدہوئی ہیں۔انہوں نے بتایاکہ ملزمان گھروں، سکولوں، مساجد، مارکیٹس اور پارکس کے باہر کھڑی موٹر سائیکل چوری کرنے کی وارداتیں کرتے تھے،ملزمان نے شہر بھر میں موٹر سائیکل چوری کی متعدد وارداتوں کا انکشاف کیا ہے اورمزید تفتیش جاری ہے۔ڈی پی او نے اچھی کارکردگی پر تھانہ بی ڈویژن پولیس کو شاباش دی۔