سعید اجمل کو پی سی بی نے کاﺅنٹی کرکٹ کھیلنے سے روک دیا

لاہور: پاکستان کر کٹ ٹیم کے مایہ ناز اور آئی سی سی کے ٹاپ اسپنر سعید اجمل کو پا کستان کر کٹ بورڑ نے کاوئنٹی میں حصہ لینے سے روک دیا ۔ اسٹارآف اسپنر سعید اجمل کو روکنے کے باعث کاونٹی ٹیم ووسٹر شائر سے ان کا معاہدہ بھی کھٹائی میں پڑ گیا ہے ۔ پاکستان کرکٹ بورڈ نے تاحال سعید اجمل کواین او سی جاری نہیں کی جس کے باعث وہ انگلینڈ نہیں جاسکے،جبکہ کاونٹی چیف ایگزیکٹو ڈیوڈ لیتھر ڈیل کا کہنا ہے کہ پاکستان کرکٹ بوڑڈ نے یقین دہانی کے باوجود سعید اجمل کو کاونٹی میں شرکت کا اجازت نامہ جاری نہیں کیا، تاہم کاونٹی کے تیسرے راونڈ میں سعید اجمل کی شمولیت کا امکان ہے۔ کاونٹی کا دوسرا راونڈ کا آغازاور ووسٹرشائر کی ٹیم کاپہلا میچ آج ہو گا۔