سابق قومی اولمپیئنز کی ویٹرنز ورلڈ کپ کے لیے تیا ریاں

لاہور: ہاکی ورلڈ کپ 2014کے اختتام پر ویٹرنز ورلڈ کپ میں پاکستان کے سابق اولمپئینزحصہ لیں گے۔31مئی 2014 سے ہالینڈ میںہاکی ورلڈ کپ کا آغاز ہوگا۔ ورلڈ کپ کی تاریخ میں پہلی بار قومی ہاکی ٹیم حصہ نہیں لے سکے گی۔میگا ایونٹ کے اختتام پر ویٹرنز ورلڈ کپ کھیلا جائے گا جس میں پاکستان کے چالیس سال سے پچاس سال کی عمر کے سابق اولمپئنز اور انٹرنیشنل کھلاڑی ان ایکشن ہوں گے۔سابق اولمپیئنز اور دیگر کھلاڑیوں نے لاہور میں تیاریاں شروع کردی ہیں۔ سابق اولمپئنز کا کہناہے کہ وہ کیمپ میں اپنی فٹنس میں بہتری لائیں گے اور ویٹرنز ورلڈ کپ میں شاندار کھیل پیش کرکے قوم کو مایوس نہیں کریں گے۔ کیمپ میںعمر رسیدہ کھلاڑی ہفتے میں تین روز ٹریننگ کریں گے اور اس کے بعد فٹنس ثابت کرنے میں کامیاب ہونے والے کھلاڑیوں پر مشتمل اسکواڈ تشکیل دیا جائے گا۔