شیر افضل خان مروت پی ٹی آئی کے سینئر نائب صدر مقرر

 اسلام آباد (پی پی آئی)سینئر وکیل اور رہنما پی ٹی آئی شیر افضل خان مروت کو پاکستان تحریک انصاف کا سینئر نائب صدرمقرر کر دیا گیا۔پی پی آئی کے مطابق سماجی رابطوں کی ویب سائٹ ٹویٹر پر پی ٹی آئی نے آفیشل پیج سے نوٹیفکیشن جاری کیا۔ تحریک انصاف کے سیکرٹری جنرل عمر ایوب کی جانب سے نوٹیفکیشن جاری کیا گیا ہے۔خیال رہے کہ شیر افضل خان مروت پاکستان تحریک انصاف کے چیئرمین عمران خان کے وکیل بھی ہیں۔