ڈیزل اب صرف پاکستان اسٹیٹ آئل ہی درآمد کرسکے گا،وفاقی حکومت کا بڑا فیصلہ

اسلام آباد(پی پی آئی)ڈیزل کی قیمتوں کے تعین کے طریقہ کار کو بہتر بنانے کے حوالے سے اہم پیشرفت سامنے آئی ہے۔وفاقی حکومت کا کہنا ہے کہ ڈیزل اب صرف  پاکستان اسٹیٹ آئل ہی درآمد کرسکے گا، پی پی آئی کے مطابق وزارت توانائی نے اوگرا کو ڈیزل درآمد کے معاملے پرمتفقہ فریم ورک تیار کرنیکی ہدایت کردی۔خط میں کہاگیا کہ اوگرا تیل کمپنیوں کے اتفاق رائے سے ایک وسیع البنیاد فریم ورک تیار کرے،اگریہ اتفاق رائے ہوجاتا ہے تو یہ ملک اورآئل انڈسٹری کیلئے فائدہ مند ہے،خط میں مزیدکہاگیاکہ متفقہ فریم ورک میں شامل ہونیوالی تیل کمپنیوں کے ناموں کی لسٹ بنائی جائے،ابتدائی مشاورت میں کمپنیوں نیمتعلقہ ایشوزاجاگر کئے ہیں جن کو دیکھا جانا چاہیے۔