سندھ میں قیدیوں کے بیان ویڈیو لنک پر ریکارڈ کرانے کا حکم

کراچی(پی پی آئی)چیف جسٹس سندھ ہائیکورٹ نے جیل حکام کو قیدیوں کے بیانات ویڈیو لنک پر ریکارڈ کرانے کے انتظامات کا حکم دے دیا۔اس حوالے سے چیف جسٹس سندھ ہائیکورٹ کی جانب سے سیشن ججز جنوبی، غربی، وسطی، ملیر، ٹھٹھہ اور سجاول کو خط ارسال کیا گیا ہے۔خط میں آئی جی جیل خانہ جات کو قیدیوں کے بیانات ریکارڈ کرنے کے انتظامات کی ہدایت کی گئی ہے۔ممبر انسپیکشن کا کہنا ہے کہ جیل حکام قیدیوں کے بیانات ریکارڈ کرانے کے انتظامات کریں، جس کیلئے سندھ ہائیکورٹ کے آئی ٹی ڈیپارٹمنٹ سے مدد لی جاسکتی ہے۔