لاہورمیں صبح سویرے شدید دْھند کا راج،سردی کی شدت میں اضافہ

لاہور(پی پی آئی)لاہور میں صبح سویرے شدید دْھند کا راج ہے،موسم سرد ہونے اور یخ بستہ ہوائیں چلنے سے شہر کا درجہ حرارت کم ہوگیا۔دسمبر کے بعد جنوری بھی بارشوں کے بغیرگزررہا ہے، خشک سردی کے باعث بیماریوں میں اضافہ ہورہا ہے،رواں ماہ 1600 سے زائد نمونیا کے کیسز رپورٹ ہوئے،گزشتہ 36 گھنٹوں میں 180 سے زائد نمونیا کیسز سامنے آئے۔ پی پی آئی کے مطابق  دھند کے باعث ٹریفک حادثات میں بڑا اضافہ دیکھنے میں آیا ہے،ترجمان ٹریفک پولیس کیمطابق 24 گھنٹوں کے دوران 227 ٹریفک حادثات 219 افراد زخمی ہوئے۔