ڈی جی خان کی چیک پوسٹ پر حملہ ناکام،  دہشت گردبھاگنے پرمجبور

لاہور (پی پی آئی) ڈی جی خان کی سرحدی چوکی جھنگی پر کالعدم تنظیم کے آٹھ سے دس دہشت گردوں نے رات گئے حملہ کیا تو پولیس اہلکاروں نے دہشت گردوں کو بھرپورجواب دیا اور دہشت گردوں کی پنجاب میں داخلے کی کوشش ناکام بنادی گئی، پولیس جوانوں نے بھرپور فائرنگ سے دہشت گردوں کو بھاگنے پرمجبور کر دیا۔پی پی آئی کے مطابق آئی جی پنجاب ڈاکٹرعثمان انور نے ویڈیو پیغام میں بتایا کہ ڈی جی خان کی چیک پوسٹ پر دہشت گردوں کا حملہ ناکام بنادیا گیا ہے، ڈی جی خان کی سرحدی چوکی جھنگی پر کالعدم تنظیم کے آٹھ سے دس دہشت گردوں نے رات گئے حملہ کیا تو پولیس اہلکاروں نے دہشت گردوں کو بھرپورجواب دیا۔ڈاکٹرعثمان انور کا کہنا تھا کہ ایس ایچ او وہوا کی قیادت میں دوسری ٹیم بھی بیک اپ کیلئے فوری پہنچی،تمام سرحدی چوکیوں پر پولیس ٹیمیں ہائی الرٹ اورفرائض ادا کر رہی ہے۔