آزاد کشمیر،خیبرپختونخوا کے پہاڑوں کی رونقیں بحال

 مظفر آباد(پی پی آئی)آزاد کشمیر اور خیبرپختونخوا کے پہاڑوں کی رونقیں بحال ہوگئیں، سوات کی وادی کالام اور مالم جبہ میں برفباری جاری ہے۔محکمہ موسمیات کے مطابق بارش برسانے والی مغربی ہوائیں اکتیس جنوری تک ملک میں اثر انداز رہیں گی، اس دوران اسلام آباد، پنجاب، خیبرپختوں خوا، گلگت بلتستان اور کشمیر میں بارش اور برفباری کا امکان ہے۔کوئٹہ، ژوب اور زیارت سمیت بلوچستان میں بھی اٹھائیس اور انتیس جنوری کو بارش اور پہاڑوں پر برفباری متوقع ہے بالائی علاقوں میں کڑاکے کی سردی پڑ رہی ہے، اسکردو میں درجہ حرارت منفی آٹھ، گلگت میں منفی پانچ تک گرگیا۔