کراچی میں سٹریٹ کرائمز کی وارداتوں میں کمی نہ آ سکی

کراچی(پی پی آئی)شہر قائد کراچی میں سٹریٹ کرائمز کی وارداتوں میں کمی نہ آ سکی، مختلف مقامات پر 5 شہریوں کو لوٹ لیا گیا۔تفصیلات کے مطابق کراچی کے علاقے نارتھ ناظم آباد میں موٹرسائیکل سوار مسلح ڈاکوؤں نے نوجوان کو موبائل اور نقدی سے محروم کر دیا،  پی پی آئی کے مطابق ملزمان نے جاتے جاتے 20 سالہ فیضان کو گولیاں مار دیں نتیجے میں وہ شدید زخمی ہو گیا جسے طبی امداد کیلئے ہسپتال منتقل کر دیا۔دوسری جانب دستگیر تعلیمی باغ کے قریب ڈاکوؤں نے 4 شہریوں کو لوٹ لیا واردات کی سی سی ٹی ویڈیو بھی سامنے آ گئی جس میں ملزمان کو ڈکیتی کے بعد بآسانی فرار ہوتے دیکھا جا سکتا ہے، پولیس نے متاثرین کی شکایت پر مقدمہ درج کر کے ملزمان کی تلاش شروع کر دی۔