گھروں کے وائی فائی انٹرنیٹ سے پاسورڈ ہٹادیں:پی ٹی آئی کی شہریوں سے اپیل

اسلام آباد (پی پی آئی) ملک بھر میں موبائل فون اور انٹرنیٹ سروسز کی بندش کے بعد پاکستان تحریک انصاف نے شہریوں سے گھروں کے وائی فائی انٹرنیٹ کے پاسورڈ ہٹانے کی اپیل کر دی۔ تفصیلات کے مطابق سوشل میڈیا پلیٹ فارم ایکس پر اپنے ایک پیغام میں ترجمان پی ٹی آئی نے کہا کہ حکومت نے پولنگ کے دن پورے پاکستان میں موبائل فون سروس بند کر دی ہے، آپ سب سے گزارش ہے کہ اپنے ذاتی وائی فائی اکاؤنٹس سے پاس ورڈز ہٹا کر اس بزدلانہ حرکت کا مقابلہ کریں تاکہ اس انتہائی اہم دن پر آس پاس کاہر شخص انٹرنیٹ تک رسائی حاصل کر سکے۔

Latest from Blog