کراچی پریس کلب اور یونین آف جرنلسٹ کے تحت محفل نعت کا انعقاد

کراچی: کراچی پریس کلب اور کراچی یونین آف جرنلسٹس کی جانب سے اتوار کو محفل نعت کا انعقاد کیا گیا جس میں صدیق اسماعیل، شفیق احمد، سعید ہاشمی اورحافظہ آمنہ ولی سمیت ملک کے معروف نعت خوانوں نے نبی کریﷺ کی شان میں ہدیہ عقیدت پیش کر کے قلوب کو گرمایا۔ محفل نعت میں صحافیوں کی بڑی تعداد موجود تھی جبکہ متعدد خواتین صحافی اور ان کے اہلخانہ نے محفل میں شرکت کی۔ محفل نعت کے حوالے سے شرکاءکا کہنا تھا کہ ایسے پروگرام کا انعقاد انتہائی خوش آئند ہے اور یہ سلسلہ جاری رہنا چاہیے۔ان کا کہنا تھا کراچی کے مشکل حالات میں ایسی روحانی محفل نے ہمیں سکون کی دولت سے نواز ا ہے، شرکاءنے منعقدہ محفل نعت کے حوالے سے کہاکہ عمومی طور پر پریس کلب میں مختلف پروگرام کا انعقاد ہوتا رہتا ہے لیکن اس انداز میں نعت خوانی کی محفل کا انعقاد پہلی بار ہوا ہے جو کہ بہت شاندار ہے۔ محفل کے اختتام پر نعت خوانوں کو پریس کلب کی جانب سے روایتی تحفے ،اجرک اور یادگاری شیلڈز سے بھی نوازا گیا۔