یوٹیلٹی سٹورز کے خصوصی ریلیف پیکچ سے بے نظیر انکم

کراچی(پی پی آئی)یوٹیلٹی سٹورز کارپوریشن نے جن 19اشیائے خورونوش پر خصوصی رمضان ریلیف پیکچ  کا اعلان کیا ہے اس پر عمل درآمد  4مارچ سے ہو گا اور بے نظیر انکم سپورٹ پروگرام سے رجسٹر مستحق صارفین مستفید ہوسکیں گے، بی آئی ایس پی میں رجسڑیشن کیلئے غربت کے اسکور کو 40 سے بڑھا کر 60 کر دیاگیا اور اب غربت کے سکور60کے حامل افراد بھی بے نظیر انکم سپورٹ پروگرام مراکز سے رجسٹرہو کر  یوٹیلیٹی سٹورز سے سستے داموں اشیا کی خریداری کر سکیں گے، پی پی آئی کے مطابق  ترجمان یوٹیلٹی سٹورز  کا کہنا ہے کہ ٹارگٹڈ سبسڈی کے ذریعے 19بنیادی اشیاجن میں آٹا، چینی، گھی، خوردنی تیل، چاول، دالیں، کھجور، بیسن، دودھ، مشروبات اور مصالحہ جات شامل ہیں، عام صارفین بھی خصوصی رعایتی قیمت پر حاصل کر سکیں گے۔