مسلم لیگ (ن) اور پیپلزپارٹی کا مستحکم جمہوری حکومت کے قیام پر اتفاق

 اسلام آباد(پی پی آئی)پاکستان مسلم لیگ نون اور پیپلز پارٹی نے ایک مستحکم جمہوری حکومت کے قیام پر اتفاق رائے کیاہے جو ملک کے لئے ناگزیر ہے۔یہ اتفاق رائے اسلام آباد میں دونوں جماعتوں کی رابطہ کمیٹیوں کے ایک اجلاس کے دوران ہوا۔اجلاس میں حکومت سازی کے معاملے پر مختلف تجاویز پر غور کیا گیا۔دونوں جماعتوں نے مزید غور وخوض اور فیصلوں کو حتمی شکل دینے کیلئے کل مذاکرات کے ایک اور دورپر اتفاق کیا ہے۔سینیٹر اسحق ڈار، سردار ایاز صادق، سینیٹر اعظم نذیر تارڑ، اور ملک محمد احمد خان نے مسلم لیگ نون کی نمائندگی کی۔پیپلز پارٹی کی جانب سے سید مراد علی شاہ، قمر زمان کائرہ، سعید غنی، ندیم افضل چن، نواب ثناء اللہ زہری، شجاع خان اور سردار بہادر خان سحر اجلاس میں شریک تھے۔