سندھ پبلک سروس کمیشن کا پیپر ’لیک‘، شدید بدنظمی،امتحان منسوخ

کراچی(پی پی آئی)سندھ پبلک سروس کمیشن کے تحت محکمہ تعلیم سندھ میں گریڈ 16 کی اسامیوں کے لیے این ای ڈی یونیورسٹی میں منعقدہ میرٹ ٹیسٹ میں ’پرچہ آوٹ‘ ہونے کے سبب امیداوار مشتعل ہوگئے جب کہ کمیشن نے بے نظمی کے سبب امتحان منسوخ کردیا۔ پرچہ لیک ہونے کی اطلاع پر جامعہ این ای ڈی میں امیدوروں اور انتظامیہ کے درمیان تصادم ہوگیا، انتظامیہ اور امیدواروں کے درمیان ہاتھا ہائی کے بعد پرچے بھی پھاڑ دیے گئے۔ پی پی آئی کے مطابق حیدر آباد میں بھی اساتذہ کی بھرتی کے لیے ہونے والا ٹیسٹ پرچہ آؤٹ ہونے پر ملتوی کردیا گیا جس پر امیدوارمشتعل ہوگئے اور ٹھنڈی سڑک پر دھرنا دے دیا۔پولیس نے امیدواروں کو منتشر کرنے کی کوشش کی تو امیدواروں اور پولیس کے درمیان تلخ کلامی ہوئی۔ترجمان سندھ پبلک سروس کمیشن کے مطابق پرچہ آؤٹ ہونے۔سوشل میڈیا پر وائرل ہونے اور امیدواروں کی بدنظمی کی تحقیقات کی جارہی ہیں۔ دونوں شہروں میں ٹیسٹ کی نئی تاریخ کا اعلان جلد کیا جائے گا۔

Latest from Blog