پی ایس ایل میچز میں کوئی سڑک بند نہیں کی جائے گی: ٹریفک پولیس

کراچی(پی پی آئی)کراچی ٹریفک پولیس کے مطابق کراچی میں ہونے والے پاکستان سْپر لیگ (پی ایس ایل) 9 کے میچز میں کوئی سڑک بند نہیں کی جائے گی۔۔ ٹریفک پولیس کے مطابق کراچی میں میچز کے دوران کوئی بھی سڑک ٹریفک کے لیے بند نہیں ہوگی۔پولیس کا کہنا ہے کہ میچ دیکھنے آنے والے شائقین چائنا گراؤنڈ میں اپنی گاڑیاں پارک کرسکیں گے۔ میچز کے دوران ہیوی ٹریفک کا سہراب گوٹھ سے نیپا اور لیاقت آباد نمبر 10 سے حسن اسکوائر کی طرف داخلہ بند ہوگا۔ پی پی آئی کے مطابق پیپلز چورنگی سے یونیورسٹی روڈ کی طرف اور کارساز سے اسٹیڈیم، ملینئم شاپنگ مال سے نیو ٹاؤن کی طرف بھی ہیوی ٹریفک کے داخلے پر پابندی ہوگی۔پی ایس ایل میچز کے دوران اسٹیڈیم سگنل سے حسن اسکوائر کی طرف بھی ہیوی ٹریفک کو داخلے کی اجازت نہیں ہوگی۔

Latest from Blog