جوڈو مقابلے کے دوران زخمی خاتون کھلاڑی فضا شیر علی انتقال کر گئی

پشاور(پی پی آئی)خیبر پختونخواہ میں خاتون کھلاڑی فضا شیر علی جوڈو مقابلے کے دوران زخمی ہونے کے باعث انتقال کرگئیں۔ تفصیلات کے مطابق مردان میں جاری ٹیلنٹ ہنٹ پروگرام کی 44 کلو کیٹیگری مقابلے کے دوران فضا شیر علی کے سر پر چوٹ لگنے سے وہ شدید زخمی ہو گئی تھی۔ ریسکیو اہلکارنے اْنہیں فوری قریبی ہسپتال لے جایا گیا لیکن زخموں کی تاب نہ لاتے ہوئے وہ انتقال کر گئیں۔  پی پی آئی کے مطابق   چند روز قبل بھی کراچی سے تعلق رکھنے والی 16 سالہ خاتون ٹینس کھلاڑی آئی ٹی ایف جونیئر ٹورنامنٹ کے ایک میچ میں حصہ لینے کے بعد دل کا دورہ پڑنے سے اسلام آباد میں انتقال کر گئی تھیں