رمضان المبارک کی دعاؤں میں عافیہ اور اہل غزہ کو یاد رکھیں: ڈاکٹر فوزیہ صدیقی

کراچی(پی پی آئی)عافیہ موومنٹ کی رہنما اور ملک کی معروف نیورو فزیشن ڈاکٹر فوزیہ صدیقی نے تمام عالم اسلام کو رمضان کی مبارکباد دیتے ہوئے اپیل کی ہے کہ سحری، افطاری، تراویح اور رمضان المبارک کی تمام عبادتوں کی دعاؤں میں ڈاکٹر عافیہ کو یاد رکھیں۔ پی پی آئی کے مطابق انہوں نے کہا کہ  غزہ میں ہمارے فلسطینی بھائی بہن یہ رمضان المبارک انتہائی مشکل حالات میں گزاریں گے، ان کے لیے بھی خصوصی دعائیں کی جائیں۔ انہوں نے کہا میں ائمہ کرام اور پوری قوم سے اپیل کرتی ہوں کہ ڈاکٹر عافیہ کی رہائی کے ساتھ غزہ اور کشمیر کے مسلمانوں کی آزادی، عالم اسلام اور پاکستان میں،امن اور استحکام، ترقی اور خوشحالی کے لئے بھی خصوصی طور پر دعاؤں کا اہتمام کریں۔

Latest from Blog