تھانہ کوہسار میں درج مقدمات میں پی ٹی آئی رہنماوں کی ضمانتیں کنفرم

اسلام آباد(پی پی آئی)ڈسٹرکٹ اینڈ سیشن کورٹ اسلام آباد نے تھانہ کوہسار میں درج مقدمات میں پی ٹی آئی رہنماوں کی ضمانتیں کنفرم کر دیں۔پی پی آئی کے مطابق ڈسٹرکٹ اینڈ سیشن کورٹ اسلام آباد میں پی ٹی آئی رہنماوں کی تھانہ کوہسار میں درج مقدمات میں ضمانت کی درخواستوں پر سماعت  ہوئی،ایڈیشنل سیشن جج طاہر عباس سپرا نے ضمانت کی درخواست پر سماعت کی،عدالت نے شعیب شاہین، علی بخاری، خالد خورشید اور عامر مغل کی ضمانت کنفرم کر دی،سمابیہ طاہر، ایاز امیر، شیر افضل مروت، ملک تیمور اسلم کی ضمانتیں بھی کنفرم  کردی گئیں،پی ٹی آئی رہنماوں کی پانچ پانچ  ہزار روپے مچلکوں کے عوض ضمانتیں کنفرم کی گئیں۔