ڈاکٹر نوہیرا شیخ اورپروفیسر ایم اے نجیب کادورہ مقبوضہ کشمیر

ممبئی(پی پی آئی) آل انڈیا مہیلا امپاورمنٹ پارٹی کی سپریم اور کل ہند صدر ڈاکٹر نوہیرا شیخ نے مقبوضہ کشمیر کا دو روزہ دورہ کرکے ریاست کے تمام معاملات سے آگاہی حاصل کی، دورہ  میں ایم ای پی کارگزار صدر پروفیسر ایم اے نجیب ان کے ہمراہ تھے۔ڈاکٹر نوہیرا شیخ نے  مقامی حالات سے واقفیت حاصل کی اور وفود سے ملاقات کرتے ہوئے مقبوضہ وادی کے مسائل اور ضروریات پر بات چیت کی۔ اس کے علاوہ آل انڈیا مہیلا امپاورمنٹ پارٹی کے جموں، سری نگر میں دفاتر کا افتتاح بھی عمل میں آیا، اور کارکنان سے بات چیت کرتے ہوئے عالمہ ڈاکٹر نوہیرا شیخ نے پارٹی کے اغراض و مقاصد سے آگاہ کیا۔ جس میں خواتین کے حقوق کے تئیں بیداری، بچوں کے ساتھ بچیوں کی تعلیمی ضروریات پر غور و فکر، میڈیکل سروسز کی بہتر اور مفت فراوانی، سرکاری اسکیموں کا عوام تک مکمل طریقے سے پہنچ پانا اور ان کا عوام کو فائدہ پہنچانا، نوجوانوں کو روزگار کے مواقع فراہم کرنے کے تمام وسائل پر غور وخوض کیا گیا۔