شکار پور:میں مسلح افراد کی ایمبولینس پر فائرنگ، پولیس آپریٹر جاں بحق،ایک زخمی

شکارپور (پی پی آئی)شکارپور میں نامعلوم مسلح افراد نے  ایمبولینس پر فائرنگ اور لوٹ مار کی، جس کے نتیجے میں ایک شخص جاں بحق ہوگیا۔ افسوسناک واقعہ سکھر شکارپور روڈپر لکھی غلام شاہ کے قریب پیش آیا جہاں ڈاکوؤں نے ایمبولینس پر فائرنگ کی، فائرنگ کی نتیجے میں ڈرائیور سمیت دو افراد زخمی ہوئے تھے جن میں سے ایک بروقت ایمبولینس نہ پہنچنے پر مریض دم توڑ گیا۔ متاثرین کا کہناہے کہ شکارپور سے سکھر جاتے ہوئے ایمبولینس پر ڈاکوؤں نے فائرنگ کی، ملزمان ناکہ لگا کر لوٹ کر رہے تھے،متاثرین کا کہنا ہے کہ نامعلوم مسلح ملزمان نے مریض سمیت ایمبولینس میں موجود افراد سے لوٹ مار کی، موبائل فونز اور نقدی چھین کر فرار ہوگئے جبکہ ایمبولینس بروقت ہسپتال نہ پہنچ سکی اور ایک  مریض پولیس اہلکار دم توڑ گیا۔ پولیس ذرائع کے مطابق  دم توڑنے والے شخص کی شناخت پولیس آپریٹر عبدالخالق سیٹھار کے نام سے ہوئی، فائرنگ سے زخمی  شخص کو تشویشناک حالت میں سکھر ہسپتال ریفر کیا گیا ہے۔

Latest from Blog