مسیحی برادری کا مذہبی تہوار ایسٹر 31 مارچ کو منایاجائے گا

اسلام آباد(پی پی آئی)حکومت نے ایسٹر کے موقع پر مسیحی برادری سے تعلق رکھنے والے وفاقی ملازمین کو تمام الاؤنسز اور پنشن ایڈوانس ادا کرنے کا فیصلہ کر لیا ہے۔تفصیلات کے مطابق وزارت خزانہ نے مسیحی برادری کو الاؤنسز اور پنشن ایڈوانس جاری کرنے کا نوٹیفکیشن بھی جاری کر دیا۔پی پی آئی کے مطابق جاری کردہ نوٹیفکیشن کے مطابق مسیحی برداری کو تنخواہیں و پنشن 26 مارچ تک ادا کرنے کی ہدایت دی گئی ہے۔واضح رہے کہ مسیحی برادری کا مذہبی تہوار ایسٹر 31 مارچ کو منایا جا رہا ہے۔پنشن اور الاؤنسز ایڈوانس جاری کرنے کے لیے اکاؤنٹنٹ جنرل پاکستان ریونیواور ملٹری اکاؤنٹنٹ جنرل کو مراسلہ جاری کر دیا گیا جبکہ چیف اکاؤنٹس افسر اور وزارت خارجہ کو بھی آگاہ کر دیا گیا۔

Latest from Blog