فرانس ٹینس: اعصام الحق اور بوپنا کی جوڑی کواٹر فائنل میں پہنچ گئی

لاہور: پاکستان کے اعصام الحق اور ان کے بھارتی ساتھی روہن بوپنا فرانس میں جاری ٹینس ٹورنامنٹ کے کوارٹرفائنل میں پہنچ گئے ہیں۔پیرس میں کھیلے جانے والے نائس ٹینس ٹورنامنٹ کے پہلے راونڈ میں ٹاپ سیڈ ایشین جوڑی نے روس کے دیمتری تریسنوف اور آسٹریلوی حریف میتھیو ایبڈن کے پئیر کو اسٹریٹ سیٹس میں ہرا دیا۔ پاک بھارت ٹیم کی فتح کا اسکور 6-4 اور6-4 رہا۔ کوارٹر فائنل میں ان کا مقابلہ آسٹریا کے اولیور مارش اور اٹلی کے ڈینئیل براسیالی سے ہوگا۔ مارش اور براسیالی نے فرسٹ راونڈ میں فرانس کے جائلز مونفلز اور بینوئے پیری کو سخت مقابلے کے بعدشکست دی تھی۔