کراچی میں حالات بہتر، لوگ خوشحال زندگی گزار رہے ہیں: وزیر داخلہ سندھ

کراچی(پی پی آئی)وزیر داخلہ سندھ ضیاالحسن لنجار نے کہا ہے کہ کراچی کے لوگ خوشحالی سے زندگی بسر کر رہے ہیں، شہر میں حالات بہتر اور لوگ گھوم رہے ہیں۔پی پی آئی کے مطابقکراچی میں میڈیا سے گفتگو کرتے ہوئے وزیر داخلہ سندھ ضیا الحسن لنجار نے کہا کہ ایم کیو ایم لیڈرشپ سینئر سیاستدان ہیں ان لوگوں کو عزت کی نگاہ سے دیکھتے ہیں لیکن یہ لوگ سستی شہرت کی وجہ سے ایسے بیان دے رہے ہیں، ایم کیو ایم دور کے کرائم ریٹ اور آج کے کرائم میں واضح فرق نظر آئے گا۔انہوں نے مزید کہا ہے کہ فوج کو جنگی حالات میں بلایا جاتا ہے، جب بھی اس ملک کو فوج کی ضرورت ہو فوج حاضر ہوتی ہے، سماجی معاملات میں فوج کو نہیں لایا جاتا،ضیاالحسن لنجار  نے صدر، جامع کلاتھ، حیدری مارکیٹ، نارتھ ناظم و دیگر علاقوں کا دورہ کیا،میڈیا سے گفتگو میں کہا کہ آئی جی سندھ کو کچے میں بھیج دیاہے،وہ آج گھوٹکی میں  ہی موجود ہیں۔

Latest from Blog