سمندری حدود میں تیل وگیس کی تلاش کا کام تیز، وسیع ذخائر کا اندازہ

کراچی(پی پی آئی)وفاقی حکومت نے سمندری حدود میں تیل وگیس کی تلاش کا کام تیز کرنے کا فیصلہ کیا ہے۔ ملک کے 2 آف شور انڈس اور مکران بیسن میں تیل وگیس کے وسیع ذخائر کا اندازہ ہے۔ 77 سال میں  سمندر میں تیل و گیس کی تلاش کیلئے صرف 14 کنویں کھودے گئے۔پی پی آئی کے مطابق پاکستان کے پاس ایک ہزار میٹر گہرے پانی کے دو بلاک اور ایک ہزار میٹر سے زیادہ گہرے پانی کے چار بلاکس  نیلامی کے لیے دستیاب ہیں۔ سعودی عرب، یو اے ای، قطر اور ملائیشیا کی کمپنیوں کو آف شور بلاکس دیئے جا سکتے ہیں۔