میونخ: فٹ بال چیمپئنز لیگ کے گروپ میچز میں جرمن کلب شالکے کا میچ انگلش کلب چیلسی سے برابر جبکہ بائرن میونخ نے مانچسٹر سٹی کو شکست سے دوچار کردیا۔ چیمپئنز لیگ کے گروپ ای کے میچ میںبائرن میونخ کے دفاعی کھلاڑی ڑروم بوٹنگ نے میچ کے مقررہ وقت کے آخری منٹ میں گول کر کے اپنی ٹیم کومانچسٹرسٹی کے خلاف1-0کی فتح دلادی۔ مانچسٹر سِٹی کے گول کیپر نے کئی یقینی گول روکے۔ گروپ جی کے ایک اور میچ میں جرمن کلب شالکے نے انگلینڈ کے مضبوط فٹ بال کلب چیلسی کے خلاف میچ1-1گول سے برابری پر ختم کیا۔ چیلسی کی جانب سے میچ کے 11ویں منٹ میں ہسپانوی کھلاڑی سیسِک فابریگاس نے گول کیا اور میچ کے دوسرے ہاف میں کلاس ڑان ہنٹرلار نے شالکے کے لیے گول کیا۔
