عازمین حج کیلئے فلائٹ آپریشن9مئی تا9جون جاری رہے گا

اسلام آباد(پی پی آئی)وزارت مذہبی امور نے حج 2024 کے تمام انتظامات کو حتمی شکل دیدی،عازمین حج کو حجاز مقدس پہنچانے کے لئے فلائٹ آپریشن9مئی سے شروع ہوگا اور9جون تک بلا تعطل جاری رہے گا۔ وزارت کے ترجمان کے مطابق حج آپریشن ملک بھر کے8ہوائی اڈوں کے ذریعہ مکمل کیا جائے۔ اسلام آباد لاہور اور کراچی سمیت کوئٹہ،سکھر،سیالکوٹ رحیم یار خان ایئر پورٹس پر آپریشن ہوگا۔پی پی آئی کے مطابق پشاور کے عازمین اسلام آباد ایئرپورٹ سے سعودی عرب جائیں گے۔ فیصل آباد کے عازمین لاہور ایئرپورٹ سے سعودی عرب جائیں گے۔عازمین حج کی ویکسینشن کا عمل 30 اپریل سے 10 حاجی کیمپوں میں شروع ہوگا۔