پارلیمنٹ ہاؤس کی مسجد سے متعدد نمازیوں کے جوتے چوری

اسلام آباد(پی پی آئی)عام طور پر مساجد کے باہر سے جوتے چوری ہونے کی خبریں تو آتی ہی رہتی ہیں تاہم حساس مقامات اور عمارات میں ایسے واقعات ہونا غیر معمولی ہے۔ایسا ہی کچھ پارلیمنٹ ہاؤس میں ہوا۔ جہاں نماز جمعہ کے بعد پارلیمنٹ ہاؤس کی مسجد کے باہر سے متعدد نمازیوں کی جوتیاں چوری ہو گئی ہیں۔پی پی آئی کے مطابق مسجد میں نماز جمعہ کی ادائیگی کے لیے آنے والے ایک درجن سے زائد افراد، صحافیوں اور قومی اسمبلی کے عملے کی جوتیاں چوری کرلی گئیں۔مجبورا متاثرہ نمازیوں کو پریشان حال ننگے پاؤں جانا پڑا۔