راولپنڈی میں خاتون کے ہاں ایک ساتھ 6 بچوں کی پیدائش

راولپنڈی(پی پی آئی)پاکستان میں جڑواں بچوں کی پیدائش کی خبریں تو کافی سنی ہیں، تاہم راولپنڈی کی خاتون نے ایک ساتھ 6 بچوں کو جنم دیا ہے۔پی پی آئی کے مطابق پاکستان کے شہر راولپنڈی سے تعلق رکھنے والی خاتون نے بیک وقت 6 بچوں کو جنم دے کر میڈیا کی توجہ بھی سمیٹ لی ہے۔دوسری جانب ذرائع کا کہنا ہے کہ راولپنڈی کی ہزارہ کالونی سے تعلق رکھنے والے وحید کی اہلیہ نے 6 بچوں کو جنم دیا۔جبکہ خاتون نے بچوں کو جنم ڈسٹرکٹ ہیڈ کوارٹر اسپتال میں دیا ہے۔بچوں کی صحت سے متعلق ڈاکٹرز کا کہنا ہے کہ 6 بچوں اور ماں کی صحت اطمینان بخش ہے، جبکہ بچے بھی صحت مند ہیں۔دوسری جانب پیدا ہونے والے بچوں میں 4 بیٹے اور 2 بیٹیاں شامل ہیں۔