اے این ایف کی9 کارروائیاں، 39 کلو منشیات برآمد، 7 ملزمان گرفتار

اسلام آباد(پی پی آئی) اے این ایف نے منشیات اسمگلنگ کیخلاف کریک ڈاؤن کی 9 کارروائیوں میں 39 کلو منشیات برآمد کرکے7 ملزمان کو گرفتار کرلیا۔ تفصیلات کے مطابق لاہور ایئرپورٹ پر آسٹریلیا بھیجے جانے والے پارسل سے 2.5 کلو افیون برآمد ہوئی،پی پی آئی کے مطابق  راولپنڈی میں برطانیہ سے بھیجے گئے پارسل سے 14 گرام ویڈ ، بلوچستان میں دوکی سے 16 کلو افیون ،سکھر ہائی وے کے قریب دو خواتین سے 9 کلو چرس ، آئی جے پی روڈ راولپنڈی میں خاتون  سے 6 کلو چرس ،جناح کالونی فیصل آباد کے قریب ملزم سے 2.5 کلو چرس ، تین میلا چوک اٹک میں ملزم سے 1.5 کلو چرس ،پشاور میں ملزم سے 1.2 کلو گرام چرس جبکہ زیرو پوائنٹ قصور کے قریب ملزم سے 500 گرام ہیروئن برآمد ہوئی۔ ترجمان اے این ایف کا کہنا ہے کہ گرفتار ملزمان کے خلاف انسدادِمنشیات ایکٹ کے تحت مقدمات درج کر کے تحقیقات کا آغاز کر دیا گیا ہے۔