ملٹری اکیڈمی کاکول میں متعدد کورسز  کی پاسنگ آؤٹ پریڈ

 کاکول(پی پی آئی) پاکستان ملٹری اکیڈمی کاکول میں 149ویں پی ایم اے لانگ کورس سمیت مختلف کورسز کی پاسنگ آؤٹ پریڈ ہوئی۔ جنرل ساحر شمشاد مرزا پاسنگ آؤٹ پریڈ کے مہمان خصوصی تھے  جبکہ ترکش چیف آف جنرل اسٹاف جنرل میٹن گورک پاسنگ آؤٹ پریڈ کے مہمان اعزازی تھے۔آئی ایس پی آر کے مطابق پاکستان ملٹری اکیڈمی کاکول میں 149ویں پی ایم اے لانگ کورس میں دوست ممالک کے 49 کیڈٹس بھی شامل ہیں۔ چیف آف آرمی سٹاف اعزازی چھڑی چودھویں مجاہد کورس کے انڈر افیسر الیاس خان نے اور کمانڈنٹ کین جونیئر انڈر افیسر دانش ستار نے حاصل کی۔ 23ویں لیڈی کیڈٹ کورس کی کورس انڈر آفیسر شہر بانو بھی کمانڈنٹس کین کی مستحق قرار پائیں۔پی پی آئی کے مطابق  چیئرمین جوائنٹ چیفس آف اسٹاف کمیٹی نے کامیاب کیڈٹس اور ان کے والدین کو مبارکباد دی۔