ایران کے صدر ڈاکٹر ابراہیم رئیسی کل اسلام آباد پہنچیں گے

اسلام آباد(پی پی آئی)ایران کے صدر ڈاکٹر ابراہیم رئیسی پیر کو اسلام آباد پہنچ رہے ہیں۔ نازک حالات میں ہونے والے اس ہائی پروفائل دورے میں کئی اہم ملاقاتیں متوقع ہیں۔دمشق میں ایرانی قونصل خانے پر فضائی حملے کے جواب میں اسرائیل پر ایرانی حملوں اور اس کے بعد ایران پر اسرائیلی حملے کے تناظر میں اس دورے کو اسٹریٹجک امور کے ماہرین غیر معمولی اہمیت کا حامل قرار دے رہے ہیں۔پی پی آئی کے مطابق اس دورے میں ایرانی صدر اور اْن کے ساتھ آنے والی ٹیم کے ساتھ مختلف شعبوں میں اشتراکِ عمل کی توسیع کے حوالے سے وسیع البنیاد مذاکرات ہوں گے۔ ایرانی صدر لاہور اور کراچی کا دورہ بھی کریں گے۔