خیبرپختونخوا میں آج سے بارش،تیز ہواؤں کا  نیا سلسلہ شروع

پشاور(پی پی آئی)خیبرپختونخوا میں بدھ کے روزسے بارشوں تیز ہواؤں کا نیا سلسلہ شروع ہونے کا امکان ظاہر کیا گیا ہے۔تفصیلات کے مطابق پی ڈی ایم اے نے تمام ضلعی حکام کو الرٹ رہنے کے لیے مراسلہ بھی جاری کردیاہے، ڈی جی پی ڈی ایم اے محمد قیصر خان کا کہنا ہے کہ بارشوں سے بالائی اضلاع میں لینڈ سلائیڈنگ کا بھی خدشہ ہے، تیز ہواؤں کی صورت میں عوام بجلی کے تاروں، بوسیدہ عمارتوں و تعمیرات، سائن بورڈز اور بل بورڈز سے دور رہیں۔بارشوں اور برفباری کا سلسلہ 29اپریل تک وقفے وقفے سے جاری رہنے کا امکان ہے،پی ڈی ایم اے کا ایمرجنسی آپریشن سنٹر مکمل طور پر فعال ہے عوام کسی بھی نا خوشگوار واقعے کی اطلاع 1700 پر دیں۔