بلوچستان اسمبلی کا اجلاس ناگزیر وجوہات کی بنا پر ملتوی

کوئٹہ(پی پی آئی) بلوچستان اسمبلی کا منگل کو طلب کیا گیااجلاس ناگزیر وجوہات کی بنا پر ملتوی کردیا گیا۔ بلوچستان اسمبلی سیکرٹریٹ کی جانب سے جاری اعلامیے کے مطابق گورنر بلوچستان عبدالولی کاکڑ کی جانب سے منگل 23 اپریل کو سہ پہر3 بجے طلب کیا گیا تھا۔پی پی آئی کے مطابق بتایا جارہا ہے کہ صوبائی اسمبلی کے اجلاس کو ناگزیر وجوہات کی بنا پر ملتوی کردیا گیا ہے جس کے انعقاد کی نئی تاریخ کا اعلان بعد میں کیا جائے گا۔ صوبائی اسمبلی کا موجود ہ سیشن 23 اپریل سے شروع ہو کر 2 مئی تک 10 روز جاری رہنا تھا۔