پاکستان ا سٹاک مارکیٹ میں تیزی کا رجحان برقرار، ڈالر بھی مہنگا

کراچی(پی پی آئی) سرمایہ کاروں کا اعتماد بحال ہونے سے پاکستان ا سٹاک مارکیٹ ملکی تاریخ کی بلند ترین سطح پر ہے۔کاروباری ہفتے کے دوسرے روز کاروبار کے دوران  اسٹاک مارکیٹ میں تیزی دیکھنے میں آئی ہے، 100 انڈیکس 405 پوائنٹس اضافے کے ساتھ 71 ہزار 839 پوائنٹس کی سطح پر ٹریڈ کر رہا ہے۔یاد رہے کہ گزشتہ کاروباری دن کے اختتام تک  اسٹاک مارکیٹ میں 523 پوائنٹس کا اضافہ ہوا جس کے بعد 100 انڈیکس 71 ہزار 433 پوائنٹس کی سطح پر بند ہوا تھا۔پی پی آئی کے مطابق انٹربینک میں ڈالر کی قیمت بڑھنے کا سلسلہ بھی جاری ہے۔کاروبار کے دوران انٹربینک میں امریکی کرنسی کی قیمت میں 17 پیسے کا اضافہ ہوا جس کے ساتھ انٹربینک میں ڈالر 278 روپے 50 پیسے پر ٹریڈ کر رہا ہے۔