حیدرآباد کے متعددعلاقوں میں بھی سڑکوں اور گلیوں میں رکاوٹیں، مکینوں کو مشکلات

حیدرآباد(پی پی آئی)سپریم کورٹ کی جانب سے کراچی میں سڑکوں اور فٹ پاتھوں سے تجاوزات اور مختلف رکاوٹیں ہٹانے کے حکم کا حیدرآباد میں شہریوں نے خیرمقدم کیا ہے ان کا کہنا ہے کہ اس وقت حیدرآباد کے متعددعلاقوں میں سڑکوں اور گلیوں کورکاوٹیں لگا کر بند کیا ہو ا ہے،ان علاقوں میں مکینوں کو بھی اپنے گھر پہنچنے کیلئے کافی گھوم کر جانا پڑتا ہے.پی پی آئی کے مطابق قاسم آباد،لطیف آباد،  پھلیلی،پریٹ آباد،نئی ہاؤسنگ اسکیموں،ٹنڈو فضل سمیت دیگر علاقوں میں بعض افراد اور سوسائٹیوں نے نہ صرف گلیوں کو بند کیا ہوا ہے بلکہ  فٹ پاتھوں پر بھی خیمے لگا کر گارڈز کو  کی چوکیاں قائم کر رکھی ہیں جس سے لوگوں میں تحفظ کے بجائے خوف بھی پیدا ہوتا ہے۔