جموں کشمیر لبریشن فرنٹ کے سپریم ہیڈ امان للہ خان کی آٹھویں برسی منائی گئی

مظفر آباد/ آزاد کشمیر(پی پی آئی)جموں کشمیر لبریشن فرنٹ کے سپریم ہیڈ اور بھارتی فورسز کے خلاف 31جولائی 1988کو شروع کردہ مسلح تحریک کے بانی امان للہ خان مرحوم کی آٹھویں برسی کنٹرول لائن کے دونوں اطراف اور دنیا بھر میں آباد کشمیریوں نے منائی اور انھیں خراج عقیدت پیش کیا۔پی پی آئی کے مطابق۔ گلگت میں مرکزی تقریب جمعہ کے روز اسکردو میں منعقدہوئی۔اسکردو  کے مقامی ریسٹورنٹ میں مذہبی ہم آہنگی کا قابل رشک مظاہرہ تھا جہاں شیعہ، آغا خانی،نوربخشی بھی کشمیری لیڈر کو خراج پیش کرنے جمع تھے گلگت میں  اتوار کو جلسہ عام ہوگا درالحکومت مظفرآباد میں منعقد سیمینار میں مقبول بٹ شہید کو خراج عقیدت پیش کیا گیا نیلم، باغ، راولاکوٹ بھبمر میرپور دھیرکوٹ چکسواری چوکی سماہنی تھوراڑ پلندری ہجیرہ تراڑکھل کوٹلی عباس پور میں بڑے اجتماعات ہوئے امریکہ برطانیہ اور یورپ میں اتوارکو برسی کی تقریبات ہوں گی